Uburyo Bwo Kuvuga Ishapule Y’impuhwe Z’imana

 

Iyi shapule ivugwa hakoreshejwe ishapule isanzwe. Mu gutangira:

Ikimenyetso cy’umusaraba: Ku izina ry’Imana data na mwa na Roho mutagatifu. Amina!

Ndemera Imana Data, Ushobora byose waremye ijuru n’isi. Ndemera n’Umwana we w’ikinege Yezu Kristu Umwami wacu, wasamwe ku bwa Roho Mutagatifu akabyarwa na Bikira Mariya, akababara ku ngoma ya Ponsiyo Pilato, akabambwa k’umusaraba agapfa agahambwa akamanukira mu irimbi, ku munsi wa gatatu akazuka, akajya mu ijuru akaba yicaye iburyo bw’Imana Data ushobora byose, Niho azava aje gucira Imanza abazima n’abapfuye. Nemera Roho Mutagatifu na Kiliziya gatolika ntagatifu n’urusange rw’abatagatifu, n’uko abanyabyaha babikizwa, n’uko abantu bazazuka bakazabaho iteka. Amina!

Dawe uri mu ijuru, izina ryawe ryubahwe, ingoma yawe yogere hose, icyo ushaka gikorwe munsi nk’uko gikorwa mu juru, ifunguro ridutunga uriduhe none, utubabarire ibicumuro byacu nk’uko natwe tubabarira abaducumuyeho ntudutererane mu bitwoshya ahubwo udukize icyago. Amina!

Ndakuramutsa Mariya, wuzuye inema uhorana n’Imana, wahebuje abagore bose umugisha, na Yezu Umwana wabyaye arasingizwa. Mariya Mutagatifu Umubyeyi w’Imana, urajye udusabira twebwe abanyabyaha kuri ubu n’igihe tuzapfira. Amina!

Ku masaro aranga amibukiro (x1): Dawe Mana ihoraho, ngutuye umu­biri n’amaraso, Roho n’ubumana by’umwana wawe Yezu Kristu, ngi­ra ngo mpongerere ibyaha byacu n’iby’isi yose.

Ku masaro aranga za Ndakuramutsa Mariya (x10): Ku bw’ububabare bwe bu­kabije, tugirire impuhwe kandi uzi­girire n’isi yose.

Mu gusoza (x3): Mana Nyir’ubutagatifu, Mana y’imbaraga, Mana ihoraho, tu­girire impuhwe kandi uzigirire n’isi yose.

Yezu wacu, tubabarire ibyaha byacu uturinde umuriro w’iteka, igarurire roho z’abantu bose maze uziyobore inzira y’Ijuru, cyane cyane wite ku bakeneye impuhwe zawe, maze ubabarire Roho ziri muri purigatori, nizabanyabyaha bisi yose. Amina!

 

Ibisingizo byo kwiyambaza impuhwe z'Imana (tubikesha Mutagatifu Mama Fawusitina Kowalska):

• Mpuhwe z’Imana wowe yobera rijimije ry’Ubutatu Butagatifu, turakwiringiye.

• Mpuhwe z’Imana wowe ugaragaza ububasha bwayo buhanitse, turakwiringiye.

• Mpuhwe z’Imana wowe waremye roho zo mu ijuru, turakwiringiye.

• Mpuhwe z’Imana wowe ugenzura isi n’ikirere, turakwiringiye.

• Mpuhwe z’Imana wowe uduha ubuzima bw’iteka, turakwiringiye.

• Mpuhwe z’Imana wowe uturinda ibihano twari dukwiye, turakwiringiye.

• Mpuhwe z’Imana wowe wasakaye mu isi muri Jambo wigize umuntu, turakwiringiye.

• Mpuhwe z’Imana wowe wagaragajwe by’umwihariko n’ibikomere bya Kristu, turakwiringiye.

• Mpuhwe z’Imana wowe uva mu Mutima mutagatifu wa Kristu, turakwiringiye.

• Mpuhwe z’Imana wowe ugaragarira muri Kiliziya y’isi yose, turakwiringiye.

• Mpuhwe z’Imana wowe ugaragara mu masakaramentu matagatifu, turakwiringiye.

• Mpuhwe z’Imana wowe uduhamagarira ukwemera gutagatifu, turakwiringiye.

• Mpuhwe z’Imana wowe usotse kandi usendereye mu isakramentu rya Batisimu n’iry’imbabazi, turakwiringiye.

• Mpuhwe z’Imana wowe utagira urugero mu isakramentu ry’Ubusaserdoti n’iry’Ukaristiya, turakwiringiye.

• Mpuhwe z’Imana wowe utuma intungane zitagatifuza, turakwiringiye.

• Mpuhwe z’Imana wowe utagatifu imitima yuje umurava, turakwiringiye.

• Mpuhwe z’Imana wowe mizero y’abarwayi n’imbabare, turakwiringiye.

• Mpuhwe z’Imana wowe muhoza w’imitima ifite intimba, turakwiringiye.

• Mpuhwe z’Imana wowe mizero y’abihebye, turakwiringiye.

• Mpuhwe z’Imana wowe uduhora iruhande, turakwiringiye.

• Mpuhwe z’Imana wowe utumenyesha ingabire zawe, turakwiringiye.

• Mpuhwe z’Imana wowe mahoro y’abasamba, turakwiringiye.

• Mpuhwe z’Imana wowe uturinda umuriro w’iteka, turakwiringiye.

• Mpuhwe z’Imana wowe worohereza roho zo mu Isukuriro turakwiringiye.

• Mpuhwe z’Imana wowe bwiza buhimbaza abatagatifu bose, turakwiringiye.

• Mpuhwe z’Imana wowe banga ridahezwa ry’ukwemera, turakwiringiye.

• Mpuhwe z’Imana wowe soko idakama y’ibitangaza, turakwiringiye.

V.: Imana ni inyampuhwe kandi ni nyir’ibambe, itinda kurakara kandi ikagira urugwiro (Zab 145 (144),8).

Dusabe: Nyagasani Mana, wowe ugira impuhwe zihebuje, ukagira n’imbabazi zidashira, turebane ubwuzu; maze utwongereremo ibikorwa by’Impuhwe zawe; turinde kwiheba, kabone n’iyo twaba mu magorwa akabije, ahubwo duharanire ugushaka kwawe gutagatifu, ko rukundo n’impuhwe, tubigiranye ukwizera kudahwema kwiyongera. Tubisabye ku bwa Nyagasani Yezu Kristu, Umwami w’Impuhwe, we ufatanya nawe na Roho Mutagatifu kutugaragariza impuhwe iteka ryose. Amina!

Maraso n’amazi byavubutse mu Mutima wa Yezu, wo soko y’urukundo n’impuhwe utugirira, turabiringiye!(x3).

Yezu wacu, tubabarire ibyaha byacu uturinde umuriro w’iteka, igarurire roho z’abantu bose maze uziyobore inzira y’Ijuru, cyane cyane wite ku bakeneye impuhwe zawe, maze ubabarire Roho ziri muri purigatori, nizabanyabyaha bisi yose. Amina!

 

Kwiragiza Impuhwe z'Imana :nisunze impuhwe zawe , Mana igira ubuntu , wowe mwiza wenyine rukumbi , ( Mt 19, 17 ). Nubwo ndi umunyabyago , kandi nkagira n' amakosa menshi , nizeye Impuhwe zawe , kuko uri " Umubyeyi w' Impuhwe zose , kandi ukaba Imana itanga ihumure ryuzuye" ( 2Kor 1,3 ) , haba mu Ijuru ndetse no munsi , ntawigeze yumva ko hari roho yiringira Impuhwe zawe waba waratereranye. 

Mana Nyiri Imbabazi , ni wowe wenyine ushobora kunkiza , ntuzigere unsubiza inyuma , igihe cyose nzaba niyeguriye Umutima wawe ugira Impuhwe , kuko nta numwe wigeze usubiza inyuma , niyo yaba ari umunyabyaha ukabije. Mukiza mwiza , wowe wasezeranye ko isi n' Ijuru byarimbuka , aho kugirango roho yiringira Impuhwe zawe izibure , kora kuburyo roho yose ikwiyegereje ihabwa imbabazi , ihumure n' izindi nema z' urufaya . Amina !

Mama Fositina mutagatifu, udusabire!

Ikimenyetso cy’umusaraba: Ku izina ry’Imana data na mwa na Roho mutagatifu. Amina!

Ishapule Y’impuhwe Z’imana (Pdf)

Read More

Menya Norlevo umwe mumiti ukoreshwa mu kwirinda gusama byihutirwa

 

Iyi shusho igaragaza ikarito uyu muti wa Norlevo uba upfunyitsemo.

Norlevo ni bumwe mubwoko bw’imiti ikoreshwa mu kwirinda gusama byihutirwa (emergency pill) mugihe wakozwe imibonano mpuzabitsina idakingiye cg ntabundi buryo bwokuboneza urubyaro ukaba ukeka ko waba wasama hatarashira amasaha 72 (72hrs), aha nimugihe uba uri mugihe cy’uburumbuke. Munkuru zibanza twaboneye hamwe uko umuntu amenya ko ari mugihe cy’uburumbuke. Icyo wamenya nuko Norlevo ari izina ryahawe uyu muti n’uruganda rwawukoze kugira ruyitandukanye nindi yakozwe nizindi nganda, kuko ubundi umuti ubamo witwa levonorgestrel. Usanzwe uboneka muyindi miti itandukanye dusanga muri za farumasi ariko witwa andi mazina. Uyu muti wa Norlevo habamo ingano ya levonorgestrel ingana na miligarama imwe n’igice (1.5mg). Levonorgestrel ni umuti wo mubwoko bwa progesterone (soma porojesiterone), uyu akaba ariwo ubuza intanga ngore guhura n’intanga ngabo kugira bibe byakwihuza ngo bikore umwana.

Iyi shusho igaragaza uko iki nini cya Norlevo kiba kimeze.

Ese hari ubundi bwoko bukoreshwa burimo Levonorgestrel?

Iyi foto igaragaza bumwe mubwoko bw'ibinini butandukanye bukoreshwa mukuboneza urubyaro byihutirwa.

Yego nibyo, hari ubundi bwoko butandukanye bukoreshwa mukuboneza urubyaro byihuirwa bugizwe na levonorgestrel, aha twavuga nka:

• Gynepill,
• Pill-72,
• Levo-72,
• Option 2,
• Levonelle,
• Morning After,
• Ezinelle,
• Plan B, hari nubundi bwoko bwinshi butandukanye tutavuze hano […].

Ese ubu bwoko bwose butandukaniye hehe?

Ubu bwoko bwose ntaho butandukaniye kuko umuti w’ingezi urimo hose ari umwe, ariwo levonorgestrel kandi byose bikora akazi kamwe ko kubuza gusama byihutirwa nubwo amazina yiswe ninganda (brand names) yo atandukanye. Aho twavuga bitandukaniye gusa ni kumazina yiswe n’inganda zawukoze (brand names) zifashije forumile isanzwe levonorgestrel ikoreshwa mugukora umuti urinda gusama byihutirwa, bashobora kongeramo nibindi byihariye ariko bitari umuti wangobwa ukenewe, nanone bakawushyira no mu ikarito atandukanye nisanzwe. Aha icyo inganda zikora ni ukugura forumile cg patente (soma patante) yuyumuti nabawuvuye cg abandi bafite uburenganzira bwogutanga kugurisha iyo patante noneho bagakora undi usa nawo ariko bipfunyitse bitandukanye nuwambere wuruganda rwawuvumbuye. Icyo wamenya nuko uwavumbuye umuti aba afite uburenganzira bwo kugira uyu muti ari wenyine kugeza kumyaka igera kuri kuri 20, bakaba bawuha abandi nabo bakaba bakora undi usa nawo. Aya mategeko aba yaragiyeho kugira bibafashe kugaruza amafaranga baba baratakaje bavumbura uyu muti.

Ese Norlevo irinda gusama koko?

Yego, nibyo koko uyu muti urinda gusama. Nkuko tubikesha uruganda rwa CENEXI rwo mub’Ubufaransa rukora uyu muti wise Norlevo rwerekana ko uyu muti urigusama kukigero kiri cya 52% kugeza kuri 85%. Nukuvuga ko abagore basaga 15 mu abagore ijana aribo bonyine bafite ibyago byo gusama igihe bakoze imibonano mpuzabitsina maze nyuma yaho bagakoresha uyu muti hatararenga amasaha 72. Twibukiranye ko uko ugenda usatira aya masaha 72, ibyago byogusama byiyongera kurusha uwahise afata uyu muti nyuma yogukora imibonanompuzabitsina idakingiye cg ntabundi buryo bwo kuboneza urubyaro ari gukoresha.

Ese niryari mbujijwe cg ntagomba gufata uyu muti?

• Igihe uziko wasamye,
• Igihe wigeze gusamira inda inyuma ya nyababyeyi (ectopic pregnancy),
• Igihe ibigize uyu muti bigutera ibibazo (allergic),
• Igihe ufite imfegisiyo (infection) muri nyababyeyi (salpingitis),
• Niba ufite ibibazo byo kuvura kw’amaraso (thrombosis) cg mumuryango wanyu munze kugira iki kibazo,
• Igihe ufite ikibazo murwungano ngogozi (severe digestive disease) gituma ubiri wawe utinjiza ibyo wariye cg imiti mumaraso,
• Ntukawukoreshe igihe utarabona imihango yambere (menarche),
• Igihe usanzwe ufata indi miti ivura izindi ndwara, aha twavuga:

1. Nkimiti ivura kwitura hasi (urugero: primidone, phenytoin, carbamazepine…)
2. Imiti irwanya virusi (HIV) itera SIDA (urugero: ritonavir efavirenz),
3. Imiti ivura ibihumyo (fungus infection, aha twavuga nka griseofulvin)
4. Igihe uri gufata imiti yibyatsi.

 Icyitonderwa:

• Baza umuhanga mubyimiti cg muganga ukwegereye mugihe ukeneye izindi nama zisumbuyeho. Gusa waba ukeneye izindi nama waba ufashe uyu muti urinda gusama byihutirwa mugihe igitegereje izo numa wagirwa.
• Nkuko tubikesha uruganda rukora uyu muti igihe utabonye inama vuba wakoresha igihe uri gufata indi miti cg imiti yibyatsi yatuma norlevo idakora neza, ushobora gufata doze ebyiri icyarimwe (double dose), Ukabona gutegereza ubundi buryo wagirwaho inama wakoresha budakoresha imisemburo.
• Igihe urimo konsa uragirwa inama yo guhagarika konsa umwana kumwonsa igihe cyamaha umunani (8hrs) ukimara gufata uyu muti ukoreshwa mukwirinda gusama muburyo bwo kwitabara.
• Irinde gutwara imodoka cg gukoresha ibindi byuma bituma bigusaba ubwitonzi kubera uyu muti ushobora kugutera isereri n’umunaniro.

Nigute wakoresha uyu muti wa Norlevo?

Koresha ikinini kimwe vuba bishoboka hatararenga amasaha 72, nukuvuga hatararenga iminsi itatu ukoze imibonano mpuza bitsina idakingiye kandi ntabundi buryo urimo gukoresha bwo kuboneza urubyaro.

Ese uyu muti wa Norlevo hari ingaruka ushobora kungiraho?

Yego, uyu muti wa Norlevo ushobora kukugiraho ingaruka ariko zishobora kwihanganirwa. Ahatwavuga nko:

• Kubabara umutwe,
• Kugira isereri,
• Kugira iseseme,
• Kubabara mu nda ibyara (igice cyinda ahagana ugana hasi),
• Kumva unaniwe cyane,
• Kubabara amabere
• Kuva (igihe ubonye uva amaraso menshi uragirwa inama yuko wakwihutira kugera kwa muganga)
• Kuruka rimwe na rimwe na diyare ariko idakabije.

 Icyitonderwa: Igihe uyu muti uguteye ingaruka twavuze haruguru cg iyo tutavuze ihutire kubimesha umuhangamubyimiti (Pharmacist) cg muganga (Doctor) ukwegereye. Ushobora no kubimesha urwego rushinzwe imiti nibiribwa mu Rwanda (Rwanda FDA).

Ese uyu muti wa Norlevo nawubohe cg nawukurahe?

Uyu muti wa Norlevo uboneka hirya no hino muri za farumasi.

Ukeneye ubundi busobanuro ushora kutwandikira unyuze ahabugenewe (handitse Twandikire) ugashyiramo amazina yawe, E-mail hanyuma ukatugezaho ikibazo cyawe, maze tukaguhuza n’umuhangamubyimiti cg muganga. Ushobora kuba ufite ikifuzo cyangwa nindi nyunganizi nabyo twiteguye kubyakira.

Read More

Menya byishi ku icyorezo gishya gihangayikishije isi muri iyi minsi cya Monkeypox

 

Kuva mumwaka wa 2019 isi ihangayikishijwe n’ibyorezo muburyo budasanzwe. Muri uyu mwaka wa 2019 nibwo hadutse icyorezo cya COVID-19 cyakomotse gace ka Wuhan mu Bushinwa, nyamara ubu twari dutangiye kwidegembya dore ko ahenshi agapfukamunwa bagashyize hasi kuko iki cyorezo cyagenjeje make, harimo na hano mu Rwanda ndetse naho muri karitsiye utuye. Nyamara bisa nkaho urwishe yanka rukiyirimo doreko mwiyi minsi umuryango mpuza mahanga wita kubuzima (OMS & WHO) uherutse gutangaza ko guhera taliki ya 13 Gicurasi, 2022 hongeye kwaduka ikindi cyorezo kigiye kumera nk’ibibembe cyangwa nk’ubushita (bamwe babwita shishikara), iki cyorezo gishya cyitwa Monkeypox. Hatagize igikorwa iki cyorezo kikaba gishobora kwibasira isi kurwego ruhambaye kurusha icyorezo icyakibanjirije cya Corona virusi (COVID-19) mugihe kidakumiriwe ngo hanafatwe ingamba zikomeye hakiri kare. Dore ko na COVID-19 twatangiye tuvuga ko ari icyorezo kiriyo mu Bushinwa, mukanya gato nkako guhumbya bikarangira kigeze kw'isi hose.

Iyi ndwara yitiriwe inkende (Monkeypox) kubera ko yavumbuwe bwambere munkende ahayinga 1958, ubwo ubu bwoko bwa Monkeypox bwabaga icyorezo kibasiye inkende inshuro zigera kuri ebyiri (DRC Congo muwi 1985 no muri Cote d’Ivoire muwi 2012) muri icyo gihe. Iki cyorezo cya Monkeypox cyagaragaye bwambere mubantu mu mwaka w’igihumbi kimwe maganacyenda na mirongo irindwi (1970) ubwo cyagaragaye mugihugu cya Repubulika iharanira demokarasi ya Congo (soma Kongo) mucyahoze ari Zaire (soma Zayire), haje gukoreshwa imbaraga zikomeye iki cyorezo cya Monkeypox cyirakumirwa, maze kibona gucika. Ndetse icyi cyorezo cyaje no kugaragara mubihugu biri muri Afurika yo hagati ndetse n’iyiburengerazuba.

Ese kuki iki cyorezo cyiswe Monkeypox?

Iki cyorezo kiswe Monkeypox kubera abashakashatsi bagaragaje ko ari virusi yakabaye iba munkende gusa, nyamara kubera abantu bakomeje kurya inkende zifite iyi virusi ya Monkeypox ndetse bakabana nazo byaje kubaviramo kwandura iyi ndwara ya Monkeypox yo mubwoko bwa virusi imeze nka pox (ubushita) ituruka ku nkende (monkey). Doreko twabonyeko umuntu wambere wayirwaye ari uwo mumashyamba yo muri Afurika (muri Repubulika iharanira demokarasi ya Kongo ndetse no muri Afurika y’iburengerazuba niyo hagati), aho bakunda kurya inyamaswa zo mu ishyamba ndetse bakaba no mumashyamba.

Monkeypox ni iki?

Monkeypox ni ijambo rigizwe namagambo abiri monkey ariyo mukinyarwanda yitwa inkende, ndetse ikagirwa ni ijambo pox ariryo twakwita nk’ubushita. Iyi ndwara ya Monkeypox ni indwara iterwa na virusi ya Monkeypox (Monkeypox Virus) iyi ikaba ari virusi yo mubwoko bwa Orthopoxvirus (soma orotopogisivirusi), ikaba mu muryango (family) wamavirusi witwa Poxviridae (soma pogisiviride). Ubwoko bwa Orthopoxvirus habonekamo kandi virusi ya Variole (soma variyole) ariyo itera indwara y’ubushita (Smallpox), habonekamo nanone virusi itera ubushita bw'inka (cowpox virus).

Iyi rwara ya Monkeypox ikaba yarabonetse bwambere m’umuntu mu mwaka 1970 muri Repubulika iharanira demokarasi ya Kongo (Congo), ndetse iboneka nomubihugu bya Afurika yo hagati no muri Afurika y’iburengerazuba, aha twavuga nko muri Kameroni, Repubulika ya santara Afurika, Kotedivwori, Gabo, Liberiya, Nijeriya, Kongo Burazavile, na Siyera Lewone. Gusa umubare mwinshi wabanduye iyi ndwara ya Monkeypox wagaragaye muri Repubulika iharanira demokarasi ya Kongo.

Ese iki cyorezo cya Monkeypox cyimaze kugaragara mubihe bihugu?

Iyi shusho yerekana ibihugu byabonetsemo iki cyorezo cya Monkeypox kuva taliki ya 13 kugeza 15 Gicurasi 2022 (iyi foto tuyikesha urubuga rwa WHO, May 2022).

Nkuko tubikesha umuryango mpuzamahanga wita kubuzima (WHO) werekanye ko ubu muri iyi minsi iyi ndwara imaze kugaragara mubihugu bitandukanye bya Amerika, iby’Uburayi, iby’Aziya, Ositarariya  ndetse hakaba hanatangazwa ko abaturage bo mibihugu byo muri Afurika y’iburengerazuba (aha twavuga nka Repuburika itanira demokarasi ya Kongo) hamwe n’ibihugu byo muri Afurika yo hagati bashobora kuba bayirwaye ariko bakaba batabizi.

Iyi shusho igaragaza ibice byibasiriwe niki cyorezo cya Monkeypox (iyi foto tuyikesha urubuga rwa WHO, May 2022).

Ibimenyetso by’indwara Monkeypox ni ibihe?

Iyi shusho yerekana ibimenye by'indwara ya Monkeypox (iyi foto tuyikesha NCDC).

Ibimenyetso by’indwara ya Monkeypox bijya gusa nkiby’ubushita (smallpox) aha twavuga nkokugira umuriro, kubabara umutwe & imitsi, ndetse nokugira umunaniro.  Aho ibimenyetso byizi ndwara zombi bitandukanira nuko Monkeypox itera intakara kubyimba (lymph nodes to swell) aribyo bita mundimi zamahanga lymphadenopathy (soma lemfedenopati).

Ibyo bimenyetso by’indwara ya Monkeypox ni ibi bikurikira:

1. Kugira umuriro,
2. Kuribwa umutwe,
3. Kuribwa imitsi,
4. Kuribwa n’umugongo,
5. Kubyimba intakara (Swollen lumph nodes),
6. Gutitira cg kugira imbeho (Gukonja)
7. Gucika intege.

Hagati yumunsi 1 cg uwa 3 ugize umuriro utangira kwishimagura mumaso bigakomereza no ku umubiri wose. Uko iminsi yicuma utangira kugira utubyimba duto k’umubiri hakaziramo n’udusebe umubiri wose.

Ibimenyetso bya Monkeypox bigaragara hashize igihe kingana gute?

Nkuko tubikesha urubuga www.cdc.gov rwerekana ko ubusanzwe ibimenyetso byiy’indwara bigaragara hashize iminzi irindwi kugeza kuri cumi nine (7-14 days) gusa ngo iyi ntera ishobora no kuba hagati y’umunsi wa 5 kuza kuwa 21 wanduyi iy’indwara ya Monkeypox.

Ese iy’indwara ya Monkey iteye inkeke?

Iyi shusho igaragaza imibare yabarwaye n'abishwe niki cyorezo cya Monkeypox mubihe byashize kuva taliki 15 Ukuboza 2021 kugeza taliki 1 Gicurassi 2022 (iyi foto tuyikeha urubuga rwa WHO, May 2022).

Yego nibyo koko iy’indwara iteye inkeke zikomeye. Nkuko tubikesha urubuga rwa www.cdc.gov ndetse nurwa www.who.int  rwerekana ko iy’indwara umuntu ayimarana igihe kiminsi iri hagati yibyumweru 2 kugeza kubyumweru 4, kandi muri Afurika byagaragaye ko abantu 10 mu bantu100 barwaye iy’indwara ya Monkeypox yarabahitanye (Yarabishe).

Virusi ya Monkeypox ikwirakwira gute?

Iyi shusho yerekana uburyo iki cyorezo gishobora gukwirakwira mubantu (iyi foto tukesha urubuga rwa www.opindia.com).

Iyi virus uyandura iyo uhuye n’amatembabuzi y’umuntu wanduye iyi virusi, cg inyamaswa yanduye iyi virusi cyangwa igikoresho kiriho iyi virusi ya Monkeypox. Iyi virusi inyura cg yinjirira ahantu hari agasebe gato niyo waba utakabona n'amaso, ishobora kunyura mumaso, mumazuru cg mukanwa. Iyi virus iva kunyamaswa ijya kumuntu igihe imurumye ifite iyi virusi, igihe urya inyama zinyamaswa zomushyamba zifite iyo virusi cyangwa igihe uhuye n’amatembabuzi avuye kunyamaswa yanduye iyi ndwara. Umuntu ashobora kuyanduza undi igihe uwayanduye muvugana mwegeranye amacandwe (droplets) ye akagutarukiraho akabona aho yinjiririra muri hamwe twavuze haruguru, nanone ashobora kukwanduza binyuze muyandi matembazi ava mumubiri aha twavuga amaraso, ibyuya, nibindi bitandukanye.

Wakwirinda gute kwandura virusi ya Monkeypox?

Iyi shusho yerekana uburyo butandukanye wakoresha wirinda kwandura iki cyorezo cya Monkeypox (iyi foto tuyikesha urubuga rwa Avonhmo).

1. Irinde kwegerana n’umuntu ufite iyi virusi ushyiramo intera hagati yawe nawe,
2. Ambara neza agapfukamunwa igihe wegeranye nundi muntu ukeka ko afite iyo virusi,
3. Irinde kwegerana n’inyamaswa ifite iyi virusi ushyiramo intera hagati nayo,
4. Irinde gukora kukintu, inyamaswa, umuntu bifite iyi virusi,
5. Irinde kurya ibishobora kuba bifite virusi,
6. Karaba intoki neza cg ukoreshe umuti wica virusi wabigenewe,
7. Igihe wita kumurwayi ufite iyi virusi ambara ibikoresho byabigenewe byo kukurinda kwandura iy’indwara,
8. Ikingize.

Virusi ya Monkeypox ivurwa gute?

Igihe utarabona umuti ukwiriye wo kuvura iy’indwara ishyire mukato. Nkuko tubikesha www.cdc.gov hari imiti itandukanye n’urukingo byemewe n’ikigo kigenzura ibiribwa n’imiti cyo muri Amerika (the United States Food and Drug Administration) aribyo ibi bikurikira:

• Tecovirimat uzwi kwizina rya TPOXX (Ukoreshwa ku abantu bakuru n’abana kuva kubafite nibura ibiro bitatu 3Kg).
• Cidofovir (uyu muti usanzwe inakoreshwa kubarwayi bafite virus itera SIDA, nanone usanzwe unavura indwara ya cytomegalovirus).
• Vaccinia Immune Globulin Intravenous (VIGIV)
• Brincidofovir uzwi kwizina rya Tembexa (uyu muti unakoreshwa mukuvura inndwara ya Smallpox).

Read More

Menya byinshi ku umuti ukoreshwa mu gusukura amenyo wa Listerine

Iyi foto igaragaza bumwe mubwoko bwa Listerine.

Mu kanwa kacu huzuyemo bagiteri zitabarika, nukuga ko ari nyinshi cyane. Izi bagiteri uzisanga ku menyo, ku ishinya ku rurimi n’ahandi hanyuranye mu kanwa. Ubusanzwe izi bagiiteri zifite akamaro nyamara hari igihe ziba mbi zikaba ari zo zigira uruhare mu kwangirika kw’amenyo yacu. Kwangirika mukanwa biterwa nuko zimwe muri izo bagiteri zikoresha isukari iri mu byo tuba twariye maze zikayihinduramo aside (acid). Uko iminsi igenda yisunika niko iyo aside igenda yangiza amenyo iyacukura.

 

 Rero Listerine ni umuti ukoreshwa mugusukura mukanwa, kugira ngo izo bagiteri zitaza gutuma amenyo yawe yangirika. Iboneka mungano zitandukanye hari iya 250ML nindi ya 500ML. Hari izikoreshwa nabantu bakuru ndetse hakaba niz’abana. Nanone Listerine irinda mukanwa kawe impumuro mbi. Nkuko tubikesha urubuga rwa www.listerineprofessional.com rugaragaza ko Listerine yica mikorobe zo mukanwa kukigero cya 99,9%.  Kugira ugere kuri iki kigero uba ugomba gukoresha uyu muti wa Listerine woza mu kanwa nibura uwujundika igihe cyamasegonda 30 kumunsi, haba mugitondo cg nijoro, kugirango wikingire izi mikorobe igihe cyumunsi wose (amasaha 24).

Ese Listerine igizwe nibiki?

Iyi foto igaragaza bimwe mubimera byifashishwa mugukora Listerine.

Ibintu byingenzi (Active ingredients) bigize Listerine nibi bikurikira:

1. Eucalyptol (0.092%),
2. Menthol (0.042%),
3. Methyl Salicylate (0.060%),
4. Thymol (0.064%),

Ibindi byongerwamo:

• Amazi,
• Arukoro (Alcohol 21.6% v/v),
• Sorbitol,
• Poloxamer 407,
• Benzoic Acid,
• Sodium Saccharin,
• Flavor,
• Sodium Benzoate,
• Yellow 10,
• Green 3

Ese nibyiza gukoresha Listerine buri munsi?

Nkuko tubikesha urubuga rwa glomoderndental.com rwerekana ko ari byiza kuyikoresha buri munsi woza mukanwa nyuma yo kwiborosa (brushing) nogukura imyanda iba iri hagati y’amumenyo (flossing) kuko uyu muti wica bagiteri ziba zasigaye mukanwa nyuma ibyo twavuze haruguru, bityo bikongera ubuzima bwiza bwo mukanwa kawe bikanakongerera impumuro mbi mukanwa.

Ninde wemerewe gukoresha Listerine?

Listerine ubusanzwe ikoreshwa nabantu bafite imyaka kuva cumi n’ibiri (12 Years old), gusa hari ubundi bwoko bwakorewe abana bato (SmartRinse Listerine).

Ese Listerine ikoreshwa gute?

Banza unyuze mukanwa uburoso n’umuti wabigenewe maze ukure nimyanda hagati yamenyo ukoresheje udukoresho twabigenewe (brushing and flossing). Hanyuma ufate mililitiro makumyabiri (20ML) za Listerine uzijundike mukanwa kawe igihe cy’amasegonda mirongo itatu (30Sec.) mu gitondo na nimugoroba wamaze kurya. Maze ucire uwo muti wari ujunditse, irinde kuwumira igihe uwujunditse.

Ese amabara ya Listerine atandukaniye he?

Hariho ubwoko bubiri bw’ingenzi bwa Listerine zo koza umunwa: ubwamber ni ububa bugizwe na Fluoride (soma firiworide), ubundi bwoko  antiseptics (soma antisebutike) uyu ubuza mikorobe zo mukanwa kuba zakura. Fluoride iba ikenewe mugutuma amenyo adacukuka no kwangirika bityo igakesha amenyo yawe naho  antiseptics iba ikenewe kugira ngo ibungabunge ishinya yawe yica izo mikorobe zituma yangirika. Amacupa yicyatsi n’ubururu aba arimo Listerine zomubwoko bwa antiseptic, mugihe iziri mumacupa asa umutuku werurutse (purple) ni Listerine ziba zifitemo Fluore.

Ese Listerine zitandukanira he?

Iyi foto igaragaza ubwoko bwa Listerine butandukanye.

	Freshburst	Cool Mint Zero Alcohol	Cool Mint	Original	Total Care	Ultraclean	SmartRinse (Kids)
Akamaro kibanze	Gusukura mukanwa hose	Nta arukoro igira (Alcohol free)	Gusukura mukanwa hose	Gusukura mukanwa hose	Igira imimaro igera kuri 6	Irwanya plaque (Anti-tartar)	Irwanya gushirira kwamenyo(Anticavity)
Igira arukoro	Yego	Oya	Yego	Yego	Yego	Yego	Oya
Igira Fluoride	Oya	Oya	Oya	Oya	Yego	Oya	Yego
Irwanya impumuro mbi mukanwa	Yego	Yego	Yego	Yego	Yego	Yego	Yego
Irwanya plaque	Yego	Oya	Yego	Yego	Oya	Yego	Oya
Irwanya irwara z'ibinyigishi (Gums)	Yego	Oya	Yego	Yego	Oya	Yego	Oya
Irinda kugira plaque kumenyo (Anti-tartar)	Oya	Oya	Oya	Oya	Oya	Yego	Oya
Ikura imyanda kumenyo (restore Enamel)	Oya	Oya	Oya	Oya	Yego	Oya	Yego
Ikomeza amenyo	Oya	Oya	Oya	Oya	Yego	Oya	Yego
Irinda amenyo gushirira (Protect agnaist cavities)	Oya	Oya	Oya	Oya	Yego	Oya	Yego

Iyi taburo yerekana itandukaniro riri hagati ya za Listerine.

Ibyo ukwiye gukora kugira ngo ukomeze ubungabunge ubuzima bwo mukanwa kawe

• Gabanya utuntu urya hagati y’amafunguro. Utwo ni nka biswi (biscuit), ubunyobwa, amagi, kuko kuturya, byongera aside mukanwa kawe kubera akenshi udahita woza amenyo
• Irinde gukoresha ibintu biryohereye nka Chocolate, bombo, soda n’ibindi biryohereye cyane mugihe cya nimugoroba kubera ari ibiryo microbe zikunda kandi mugihe uryamye mukanwa haba hatuje utari kuhakoresha bityo mikorobe zikaba zibonye igihe cyo gukura nokwiyongera. Igihe umaze kubifata ujye uhita woza amenyo.
• Ibuka koza amenyo byibura 2 ku munsi, kandi utegereze’ nk’iminota mingo itatu (30min) igihe umaze gufata amafunguro ashyushye kugira utangiriza ishinya yawe bitewe nuko ubushyuhe buba bwongeye amahirwe yokuba wakomereka byoroshye.
• Koresha uburoso bw’amenyo bwiza kandi nturenze amezi 3 ukibukoresha kugira bube bugisukura mukanwa neza kandi bikarinda ko bwaba indiri ya za mikorobe.
• Mbere yo kugura umuti wo koza amenyo reba niba udafitemo fluoride nkeya cyangwa nyinshi kuko n’inyinshi si nziza.
• Mu gihe bishoboka isuzumishe byibuze buri mezi atandatu  ku muganga w’amenyo, kugira ukomeze wite kubuzima bwiza bwo mukanwa kawe.

Read More