Menya byishi ku icyorezo gishya gihangayikishije isi muri iyi minsi cya Monkeypox

 

Kuva mumwaka wa 2019 isi ihangayikishijwe n’ibyorezo muburyo budasanzwe. Muri uyu mwaka wa 2019 nibwo hadutse icyorezo cya COVID-19 cyakomotse gace ka Wuhan mu Bushinwa, nyamara ubu twari dutangiye kwidegembya dore ko ahenshi agapfukamunwa bagashyize hasi kuko iki cyorezo cyagenjeje make, harimo na hano mu Rwanda ndetse naho muri karitsiye utuye. Nyamara bisa nkaho urwishe yanka rukiyirimo doreko mwiyi minsi umuryango mpuza mahanga wita kubuzima (OMS & WHO) uherutse gutangaza ko guhera taliki ya 13 Gicurasi, 2022 hongeye kwaduka ikindi cyorezo kigiye kumera nk’ibibembe cyangwa nk’ubushita (bamwe babwita shishikara), iki cyorezo gishya cyitwa Monkeypox. Hatagize igikorwa iki cyorezo kikaba gishobora kwibasira isi kurwego ruhambaye kurusha icyorezo icyakibanjirije cya Corona virusi (COVID-19) mugihe kidakumiriwe ngo hanafatwe ingamba zikomeye hakiri kare. Dore ko na COVID-19 twatangiye tuvuga ko ari icyorezo kiriyo mu Bushinwa, mukanya gato nkako guhumbya bikarangira kigeze kw'isi hose.

Iyi ndwara yitiriwe inkende (Monkeypox) kubera ko yavumbuwe bwambere munkende ahayinga 1958, ubwo ubu bwoko bwa Monkeypox bwabaga icyorezo kibasiye inkende inshuro zigera kuri ebyiri (DRC Congo muwi 1985 no muri Cote d’Ivoire muwi 2012) muri icyo gihe. Iki cyorezo cya Monkeypox cyagaragaye bwambere mubantu mu mwaka w’igihumbi kimwe maganacyenda na mirongo irindwi (1970) ubwo cyagaragaye mugihugu cya Repubulika iharanira demokarasi ya Congo (soma Kongo) mucyahoze ari Zaire (soma Zayire), haje gukoreshwa imbaraga zikomeye iki cyorezo cya Monkeypox cyirakumirwa, maze kibona gucika. Ndetse icyi cyorezo cyaje no kugaragara mubihugu biri muri Afurika yo hagati ndetse n’iyiburengerazuba.

Ese kuki iki cyorezo cyiswe Monkeypox?

Iki cyorezo kiswe Monkeypox kubera abashakashatsi bagaragaje ko ari virusi yakabaye iba munkende gusa, nyamara kubera abantu bakomeje kurya inkende zifite iyi virusi ya Monkeypox ndetse bakabana nazo byaje kubaviramo kwandura iyi ndwara ya Monkeypox yo mubwoko bwa virusi imeze nka pox (ubushita) ituruka ku nkende (monkey). Doreko twabonyeko umuntu wambere wayirwaye ari uwo mumashyamba yo muri Afurika (muri Repubulika iharanira demokarasi ya Kongo ndetse no muri Afurika y’iburengerazuba niyo hagati), aho bakunda kurya inyamaswa zo mu ishyamba ndetse bakaba no mumashyamba.

Monkeypox ni iki?

Monkeypox ni ijambo rigizwe namagambo abiri monkey ariyo mukinyarwanda yitwa inkende, ndetse ikagirwa ni ijambo pox ariryo twakwita nk’ubushita. Iyi ndwara ya Monkeypox ni indwara iterwa na virusi ya Monkeypox (Monkeypox Virus) iyi ikaba ari virusi yo mubwoko bwa Orthopoxvirus (soma orotopogisivirusi), ikaba mu muryango (family) wamavirusi witwa Poxviridae (soma pogisiviride). Ubwoko bwa Orthopoxvirus habonekamo kandi virusi ya Variole (soma variyole) ariyo itera indwara y’ubushita (Smallpox), habonekamo nanone virusi itera ubushita bw'inka (cowpox virus).

Iyi rwara ya Monkeypox ikaba yarabonetse bwambere m’umuntu mu mwaka 1970 muri Repubulika iharanira demokarasi ya Kongo (Congo), ndetse iboneka nomubihugu bya Afurika yo hagati no muri Afurika y’iburengerazuba, aha twavuga nko muri Kameroni, Repubulika ya santara Afurika, Kotedivwori, Gabo, Liberiya, Nijeriya, Kongo Burazavile, na Siyera Lewone. Gusa umubare mwinshi wabanduye iyi ndwara ya Monkeypox wagaragaye muri Repubulika iharanira demokarasi ya Kongo.

Ese iki cyorezo cya Monkeypox cyimaze kugaragara mubihe bihugu?

Iyi shusho yerekana ibihugu byabonetsemo iki cyorezo cya Monkeypox kuva taliki ya 13 kugeza 15 Gicurasi 2022 (iyi foto tuyikesha urubuga rwa WHO, May 2022).

Nkuko tubikesha umuryango mpuzamahanga wita kubuzima (WHO) werekanye ko ubu muri iyi minsi iyi ndwara imaze kugaragara mubihugu bitandukanye bya Amerika, iby’Uburayi, iby’Aziya, Ositarariya  ndetse hakaba hanatangazwa ko abaturage bo mibihugu byo muri Afurika y’iburengerazuba (aha twavuga nka Repuburika itanira demokarasi ya Kongo) hamwe n’ibihugu byo muri Afurika yo hagati bashobora kuba bayirwaye ariko bakaba batabizi.

Iyi shusho igaragaza ibice byibasiriwe niki cyorezo cya Monkeypox (iyi foto tuyikesha urubuga rwa WHO, May 2022).

Ibimenyetso by’indwara Monkeypox ni ibihe?

Iyi shusho yerekana ibimenye by'indwara ya Monkeypox (iyi foto tuyikesha NCDC).

Ibimenyetso by’indwara ya Monkeypox bijya gusa nkiby’ubushita (smallpox) aha twavuga nkokugira umuriro, kubabara umutwe & imitsi, ndetse nokugira umunaniro.  Aho ibimenyetso byizi ndwara zombi bitandukanira nuko Monkeypox itera intakara kubyimba (lymph nodes to swell) aribyo bita mundimi zamahanga lymphadenopathy (soma lemfedenopati).

Ibyo bimenyetso by’indwara ya Monkeypox ni ibi bikurikira:

1. Kugira umuriro,
2. Kuribwa umutwe,
3. Kuribwa imitsi,
4. Kuribwa n’umugongo,
5. Kubyimba intakara (Swollen lumph nodes),
6. Gutitira cg kugira imbeho (Gukonja)
7. Gucika intege.

Hagati yumunsi 1 cg uwa 3 ugize umuriro utangira kwishimagura mumaso bigakomereza no ku umubiri wose. Uko iminsi yicuma utangira kugira utubyimba duto k’umubiri hakaziramo n’udusebe umubiri wose.

Ibimenyetso bya Monkeypox bigaragara hashize igihe kingana gute?

Nkuko tubikesha urubuga www.cdc.gov rwerekana ko ubusanzwe ibimenyetso byiy’indwara bigaragara hashize iminzi irindwi kugeza kuri cumi nine (7-14 days) gusa ngo iyi ntera ishobora no kuba hagati y’umunsi wa 5 kuza kuwa 21 wanduyi iy’indwara ya Monkeypox.

Ese iy’indwara ya Monkey iteye inkeke?

Iyi shusho igaragaza imibare yabarwaye n'abishwe niki cyorezo cya Monkeypox mubihe byashize kuva taliki 15 Ukuboza 2021 kugeza taliki 1 Gicurassi 2022 (iyi foto tuyikeha urubuga rwa WHO, May 2022).

Yego nibyo koko iy’indwara iteye inkeke zikomeye. Nkuko tubikesha urubuga rwa www.cdc.gov ndetse nurwa www.who.int  rwerekana ko iy’indwara umuntu ayimarana igihe kiminsi iri hagati yibyumweru 2 kugeza kubyumweru 4, kandi muri Afurika byagaragaye ko abantu 10 mu bantu100 barwaye iy’indwara ya Monkeypox yarabahitanye (Yarabishe).

Virusi ya Monkeypox ikwirakwira gute?

Iyi shusho yerekana uburyo iki cyorezo gishobora gukwirakwira mubantu (iyi foto tukesha urubuga rwa www.opindia.com).

Iyi virus uyandura iyo uhuye n’amatembabuzi y’umuntu wanduye iyi virusi, cg inyamaswa yanduye iyi virusi cyangwa igikoresho kiriho iyi virusi ya Monkeypox. Iyi virusi inyura cg yinjirira ahantu hari agasebe gato niyo waba utakabona n'amaso, ishobora kunyura mumaso, mumazuru cg mukanwa. Iyi virus iva kunyamaswa ijya kumuntu igihe imurumye ifite iyi virusi, igihe urya inyama zinyamaswa zomushyamba zifite iyo virusi cyangwa igihe uhuye n’amatembabuzi avuye kunyamaswa yanduye iyi ndwara. Umuntu ashobora kuyanduza undi igihe uwayanduye muvugana mwegeranye amacandwe (droplets) ye akagutarukiraho akabona aho yinjiririra muri hamwe twavuze haruguru, nanone ashobora kukwanduza binyuze muyandi matembazi ava mumubiri aha twavuga amaraso, ibyuya, nibindi bitandukanye.

Wakwirinda gute kwandura virusi ya Monkeypox?

Iyi shusho yerekana uburyo butandukanye wakoresha wirinda kwandura iki cyorezo cya Monkeypox (iyi foto tuyikesha urubuga rwa Avonhmo).

1. Irinde kwegerana n’umuntu ufite iyi virusi ushyiramo intera hagati yawe nawe,
2. Ambara neza agapfukamunwa igihe wegeranye nundi muntu ukeka ko afite iyo virusi,
3. Irinde kwegerana n’inyamaswa ifite iyi virusi ushyiramo intera hagati nayo,
4. Irinde gukora kukintu, inyamaswa, umuntu bifite iyi virusi,
5. Irinde kurya ibishobora kuba bifite virusi,
6. Karaba intoki neza cg ukoreshe umuti wica virusi wabigenewe,
7. Igihe wita kumurwayi ufite iyi virusi ambara ibikoresho byabigenewe byo kukurinda kwandura iy’indwara,
8. Ikingize.

Virusi ya Monkeypox ivurwa gute?

Igihe utarabona umuti ukwiriye wo kuvura iy’indwara ishyire mukato. Nkuko tubikesha www.cdc.gov hari imiti itandukanye n’urukingo byemewe n’ikigo kigenzura ibiribwa n’imiti cyo muri Amerika (the United States Food and Drug Administration) aribyo ibi bikurikira:

• Tecovirimat uzwi kwizina rya TPOXX (Ukoreshwa ku abantu bakuru n’abana kuva kubafite nibura ibiro bitatu 3Kg).
• Cidofovir (uyu muti usanzwe inakoreshwa kubarwayi bafite virus itera SIDA, nanone usanzwe unavura indwara ya cytomegalovirus).
• Vaccinia Immune Globulin Intravenous (VIGIV)
• Brincidofovir uzwi kwizina rya Tembexa (uyu muti unakoreshwa mukuvura inndwara ya Smallpox).

Read More

Menya byinshi ku umuti ukoreshwa mu gusukura amenyo wa Listerine

Iyi foto igaragaza bumwe mubwoko bwa Listerine.

Mu kanwa kacu huzuyemo bagiteri zitabarika, nukuga ko ari nyinshi cyane. Izi bagiteri uzisanga ku menyo, ku ishinya ku rurimi n’ahandi hanyuranye mu kanwa. Ubusanzwe izi bagiiteri zifite akamaro nyamara hari igihe ziba mbi zikaba ari zo zigira uruhare mu kwangirika kw’amenyo yacu. Kwangirika mukanwa biterwa nuko zimwe muri izo bagiteri zikoresha isukari iri mu byo tuba twariye maze zikayihinduramo aside (acid). Uko iminsi igenda yisunika niko iyo aside igenda yangiza amenyo iyacukura.

 

 Rero Listerine ni umuti ukoreshwa mugusukura mukanwa, kugira ngo izo bagiteri zitaza gutuma amenyo yawe yangirika. Iboneka mungano zitandukanye hari iya 250ML nindi ya 500ML. Hari izikoreshwa nabantu bakuru ndetse hakaba niz’abana. Nanone Listerine irinda mukanwa kawe impumuro mbi. Nkuko tubikesha urubuga rwa www.listerineprofessional.com rugaragaza ko Listerine yica mikorobe zo mukanwa kukigero cya 99,9%.  Kugira ugere kuri iki kigero uba ugomba gukoresha uyu muti wa Listerine woza mu kanwa nibura uwujundika igihe cyamasegonda 30 kumunsi, haba mugitondo cg nijoro, kugirango wikingire izi mikorobe igihe cyumunsi wose (amasaha 24).

Ese Listerine igizwe nibiki?

Iyi foto igaragaza bimwe mubimera byifashishwa mugukora Listerine.

Ibintu byingenzi (Active ingredients) bigize Listerine nibi bikurikira:

1. Eucalyptol (0.092%),
2. Menthol (0.042%),
3. Methyl Salicylate (0.060%),
4. Thymol (0.064%),

Ibindi byongerwamo:

• Amazi,
• Arukoro (Alcohol 21.6% v/v),
• Sorbitol,
• Poloxamer 407,
• Benzoic Acid,
• Sodium Saccharin,
• Flavor,
• Sodium Benzoate,
• Yellow 10,
• Green 3

Ese nibyiza gukoresha Listerine buri munsi?

Nkuko tubikesha urubuga rwa glomoderndental.com rwerekana ko ari byiza kuyikoresha buri munsi woza mukanwa nyuma yo kwiborosa (brushing) nogukura imyanda iba iri hagati y’amumenyo (flossing) kuko uyu muti wica bagiteri ziba zasigaye mukanwa nyuma ibyo twavuze haruguru, bityo bikongera ubuzima bwiza bwo mukanwa kawe bikanakongerera impumuro mbi mukanwa.

Ninde wemerewe gukoresha Listerine?

Listerine ubusanzwe ikoreshwa nabantu bafite imyaka kuva cumi n’ibiri (12 Years old), gusa hari ubundi bwoko bwakorewe abana bato (SmartRinse Listerine).

Ese Listerine ikoreshwa gute?

Banza unyuze mukanwa uburoso n’umuti wabigenewe maze ukure nimyanda hagati yamenyo ukoresheje udukoresho twabigenewe (brushing and flossing). Hanyuma ufate mililitiro makumyabiri (20ML) za Listerine uzijundike mukanwa kawe igihe cy’amasegonda mirongo itatu (30Sec.) mu gitondo na nimugoroba wamaze kurya. Maze ucire uwo muti wari ujunditse, irinde kuwumira igihe uwujunditse.

Ese amabara ya Listerine atandukaniye he?

Hariho ubwoko bubiri bw’ingenzi bwa Listerine zo koza umunwa: ubwamber ni ububa bugizwe na Fluoride (soma firiworide), ubundi bwoko  antiseptics (soma antisebutike) uyu ubuza mikorobe zo mukanwa kuba zakura. Fluoride iba ikenewe mugutuma amenyo adacukuka no kwangirika bityo igakesha amenyo yawe naho  antiseptics iba ikenewe kugira ngo ibungabunge ishinya yawe yica izo mikorobe zituma yangirika. Amacupa yicyatsi n’ubururu aba arimo Listerine zomubwoko bwa antiseptic, mugihe iziri mumacupa asa umutuku werurutse (purple) ni Listerine ziba zifitemo Fluore.

Ese Listerine zitandukanira he?

Iyi foto igaragaza ubwoko bwa Listerine butandukanye.

	Freshburst	Cool Mint Zero Alcohol	Cool Mint	Original	Total Care	Ultraclean	SmartRinse (Kids)
Akamaro kibanze	Gusukura mukanwa hose	Nta arukoro igira (Alcohol free)	Gusukura mukanwa hose	Gusukura mukanwa hose	Igira imimaro igera kuri 6	Irwanya plaque (Anti-tartar)	Irwanya gushirira kwamenyo(Anticavity)
Igira arukoro	Yego	Oya	Yego	Yego	Yego	Yego	Oya
Igira Fluoride	Oya	Oya	Oya	Oya	Yego	Oya	Yego
Irwanya impumuro mbi mukanwa	Yego	Yego	Yego	Yego	Yego	Yego	Yego
Irwanya plaque	Yego	Oya	Yego	Yego	Oya	Yego	Oya
Irwanya irwara z'ibinyigishi (Gums)	Yego	Oya	Yego	Yego	Oya	Yego	Oya
Irinda kugira plaque kumenyo (Anti-tartar)	Oya	Oya	Oya	Oya	Oya	Yego	Oya
Ikura imyanda kumenyo (restore Enamel)	Oya	Oya	Oya	Oya	Yego	Oya	Yego
Ikomeza amenyo	Oya	Oya	Oya	Oya	Yego	Oya	Yego
Irinda amenyo gushirira (Protect agnaist cavities)	Oya	Oya	Oya	Oya	Yego	Oya	Yego

Iyi taburo yerekana itandukaniro riri hagati ya za Listerine.

Ibyo ukwiye gukora kugira ngo ukomeze ubungabunge ubuzima bwo mukanwa kawe

• Gabanya utuntu urya hagati y’amafunguro. Utwo ni nka biswi (biscuit), ubunyobwa, amagi, kuko kuturya, byongera aside mukanwa kawe kubera akenshi udahita woza amenyo
• Irinde gukoresha ibintu biryohereye nka Chocolate, bombo, soda n’ibindi biryohereye cyane mugihe cya nimugoroba kubera ari ibiryo microbe zikunda kandi mugihe uryamye mukanwa haba hatuje utari kuhakoresha bityo mikorobe zikaba zibonye igihe cyo gukura nokwiyongera. Igihe umaze kubifata ujye uhita woza amenyo.
• Ibuka koza amenyo byibura 2 ku munsi, kandi utegereze’ nk’iminota mingo itatu (30min) igihe umaze gufata amafunguro ashyushye kugira utangiriza ishinya yawe bitewe nuko ubushyuhe buba bwongeye amahirwe yokuba wakomereka byoroshye.
• Koresha uburoso bw’amenyo bwiza kandi nturenze amezi 3 ukibukoresha kugira bube bugisukura mukanwa neza kandi bikarinda ko bwaba indiri ya za mikorobe.
• Mbere yo kugura umuti wo koza amenyo reba niba udafitemo fluoride nkeya cyangwa nyinshi kuko n’inyinshi si nziza.
• Mu gihe bishoboka isuzumishe byibuze buri mezi atandatu  ku muganga w’amenyo, kugira ukomeze wite kubuzima bwiza bwo mukanwa kawe.

Read More

Tumenye indwara yo kujojoba (Obstetric Fistula), ingaruka zayo n'uburyo wayirinda

 

Taliki ya 23 Gicurasi ni umunsi mpuzamahanga wahariwe kurwanya indwara yo kujojoba, izwi mundimi zamahanga nka Obstetric Fistula (soma obusitetirike fisitula). Nkuko tubikesha umuryango mpuzamahanga wita kubuzima buri mwaka abagore bari hagati yibihumbi mirongo itanu (50 000) n’ibihumbi magana tanu (500 000) bagira ikibazo cyo gufatwa niyi ndwara, nanone bakerekana ko abagore bakiri bato bagera kuri miriyoni ebyiri (2 million) byabarwayi bafite iyi ndwara babarizwa mubihugu byo muri Aziya no muri Afurika yo munsi yubutayu bwa Sahara. Iyi ndwara ya Obstetric Fistula iterwa nokwangirika mubice byimyanya myibarukiro by’umugore, aho umugore uyirwaye aba atagifite ububasha bwo kugenzura kujya kunyara cg kwituma kuko iyi myanda iza atabizi kuko imyanya ye iba yaramaze kwangirika.

Nkuko tubikesha urubuga rwita kumbare rwo mu Bwongereza (www.ics.org) bagaragaza ko hari ubwoko butandukanye bwa Obstetric Fistula.  Ubwoko bwa mbere ni ubufata mugice cy’inda ibyara ariyo nyababyeyi hagahura numuyoboro usohora inkari hanze,  ubwoko bwa kabiri ni igihe habaho guhura kw’inda ibyara nuruhago rw’inkari, ubundi bwoko bwa gatatu ni igihe inda ibyara iba yahuye nimyanya isohora umwanda ukomeye (rectum). Aha umubyeyi ashobora kugira ubu bwoko bukomatanye.

Fistula niki?

Fistula ni igihe habayeho ihura ridasanzwe (cg kwifungura) hagati yingingo ebyiri zimbere cyangwa hagati yingingo zimbere mumubiri nibice byinyuma kumubiri. Ishobora guterwa no kurwara, kuvura hakoreshejwe imirasire (radiation therapy), igihe ubagwa cyangwa hagize ikigukomeretsa ibyo bice. Ibi bituma habaho kumeneka cg gusoka kwamatembabuzi cg ibindi byari muricyo gice bikajya mukindi gice bitagenewe cg bikameneka bijya hanze yumubiri. Aha dufate urugero ugize ibyago hakagira ikintu gitobora inda (igifu) yawe ibiri  munda bihita bisohohaka hanze binyuze muri uwo mwobo.

Obstetric Fistula yo niki?

Obstetric Fistula nkuko twabiboneye hamwe haruguru ko ari indwara yo kujojoba ni indwara iterwa nokuba umwana atindamumatako y’umugore (akamaramo nkiminsi)   igihe arimo kubyara, bishobora guterwa no kuba umwana ari munini cg ari munda muri position (soma pozisiyo) asa nuhagaze cg yitambitse. Aha rero umwana atsikamira ibi bice umubyeyi (vagina, bladder, urethra na rectum) maze oxygen (soma ogusijene) ntibe ikigera muri ibi bice bikamuviramo kwangirika (tissue death bizwi muri terime yagihanga cg yabaganga nka necrosis) kwimyanya y’inda ibyara ndetse nuruhago rwinkari cg ahasokera umwanda ukomeye (rectum).

EseuUbwoko bwa Obstetric Fistula ni ubuhe?

1. Vesicovaginal fistula (VVF), ubu bwoko bubaho igihe habaye kwihuza kuruhago (bladder) nigice kimbere mugisina cy’umugorebe (vagina).
2. Urethrovaginal fistula (UVF), ubu bwoko bubaho igihe habaye kwihuza Umuyoboro winkari (urethra) nibice byimbere mugitsina cy’umugore (vagina).
3. Rectovaginal fistula (RVF), ubu bwoko bubaho igihe habaye kwihuza kwibice bisohora umwanda ukomeye (rectum) nimyanya yimbere mu gitsina cy’umugore (vagina).
4. Ureterovaginal fistula, ubu bwoko bubaho igihe habaye kwihuza kwimiyoboro y’ibyiko (ureters) nibice byimbere mugitsina cy’umugore (vagina).
5. Vesicouterine fistula, ubu bwoko bubaho igihe habaye kwihuza k’uruhago (bladder) na nyababyeyi (uterus).

Icyitonderwa: ubu buryo umogore ashobora kuburwara bukomatanye ari bubiri cg uburenze bubiri.

Nizihe mapmvu zagutera kugira iyi ndwara ya Obstetric Fistula?

• Gutura kure y’ivuriro (health facilities), cg hakaba hatari abaganga bahuguriwe umwuga wububyaza kugira bagufashe mugihe hakenewe ko ubagwa ngo ubyare.
• Kuba ivuriro urimo hatari ababyaza bahagije.
• Kuba hatari imiti nibikoresho bihaje byifashishwa mukubyaza.

Izindi mpamvu twavuga:

• Ubukene,
• Kugwingira kumubyeyi (malnutrition),
• Kutagira ubumenyi buhagije bwo kwiyitaho mugihe utwite cg ubwo kuboneza urubyaro,
• Imico yabamwe ituma abana bashaka batagejeje igihe cg bakabakata bimwe mubice ndagitsina byabo,
• Imico yaho usengera, hari nkaho usanga muri Africa bakata abakobwa bimwe mu ibice byigitsina cyabo (female circumcision).

Ese ingaruka ziterwa na Obstetric Fistula ni izihe?

• Guhagarara kw’imihango,
• Kugira ibibazo byama infections (soma imfegisiyo) zifata muribyo bisebe uba ufite,
• Gufungana kwimbere mugitsina (vaginal narrowing),
• Kwinyarira bihoraho,
• Kuba utagishoboye gukora imibonano mpuza bitsina bitewe nibyo bisebe ndetse no gufungana kwigitsina,
• Gukurizamo uburwayi bwa kanseri,
• Kugira umunuko ukabije udashira,
• Guhabwa akato naburi wese bitewe numunuko uhorana udashira.
• Kugira ihungabana muri wowe bitewe nuko abo mubana cg aho ugugenda bagufata,
• Gutandukana nuwo mwashakanye,
• Kwiha akato bitewe nuko ubona sosiyete yaguteranye, nibindi bitandukanye tutavuze hano.

Ese nibiki byagufasha kwirinda kugira ikibazo cya Obstetric Fistula?

• Kubyarira kwa muganga.
• Kubona umubyaza wabihuguriwe vuba byihuse igihe hakenewe ko ubagwa ngo ubyare.
• Politiki yigihugu yo kwita kubagore batwite, bakagezwa aho babyarira biboroheye, nigihe bagize ikibazo cyo kurwara obstetric fistula bagahabwa ubufasha bukenewe bavugwa.
• Kuba hari ibitaro byita kubagore bihagije kandi biboneka hose.
• Kwigishwa uburyo bwo kuboneza urubyaro ndetse no kubunga bunga ubuzima bwawe nubw'umwana.
• Kongera ubukangurambaga bwiyi ndwara ya obstetric fistula.
• Gushaka imyanya myibarukiro yarakuze bihagije.
• Politiki ya leta yo kurwanya ubukene no kurya iryo yuzuye.

Read More